Nye storkommunar blir råda til å velje eit namn som er samlande.
Nye storkommunar blir råda til å velje eit namn som er samlande.Illustrasjon: Colourbox/Britt Glosvik
Denne artikkelen er over ett år gammel. Den kan inneholde utdatert informasjon.

– Bruk eit eksisterande stadnamn

Leira, Frostating, Nedre Sirdal, Sunnmøre, Asak, Holt, Sunnfjord, Gvart, Sør-Østen. Eller kva med Arendelle? Bruk eit eksisterande stadnamn, seier Språkrådet.

Seks kommunar i Nord-Trøndelag er blitt einige om ein intensjonsavtale om ei eventuell kommunesamanslåing. Men verken Fosnes, Namsos, Namdalseid, Flatanger, Overhalla og Høylandet blir namnet på den nye kommunen. Innbyggjarane skal inviterast inn i diskusjonen om nytt namn.

I Aust-Agder går diskusjonen allereie om namnet på ein ny storkommune. Per Kristian Lunden leiar arbeidet med ein intensjonsavtale mellom Arendal, Tvedestrand, Risør, Gjerstad og Vegårshei. I intensjonsavtalen vert det føreslått ein namnekonkurranse.