Stillingsannonser

Stordal kommune med sine 1000 innbyggjarar - og mest kjend for sin betydelege møbelindustri og særs lave arbeidsløyse gjennom mange år - vert i dag rekna som ei spanande bo- og etableringskommune i regionen. Med si strategiske plassering liggjande i ”skjeringspunktet” mellom by og land, med eit mangfald av naturgitte moglegheiter frå djupe fjordar til høge tindar, vil ein her finne av det beste ei landkommune kan tilby. Dette samstundes som dei ”urbane” tilboda i regionbyen Ålesund med tilliggjande flyplass (Vigra) berre er 5 mil og ca 40 minutt unna.

Som ”Barnas kommune” har Stordal kommune som ambisjon å framstå som ei kommune med spesiell fokus på barn og unge sine oppvekstvilkår.  Sjølv om vi i folketal er den minste kommunen i Møre og Romsdal, er vi svært stolt over å kunne tilby m.a. fylgjande:

• Fullskala idrottshall m/grendahusfunksjon/klatrevegg/miniatyrskytebane/m /tillggjande symjebasseng
• Nytt tidsmessig idrettsanlegg m/kunstgrasbaner og tartan løpebaner
• Alpinanlegg med fleire trekk og nedfartar og med planar om ytterlegare utbygging
• Flombelyst langrennsarena
• Flombelyst hoppanlegg med fleire bakkar i ulike storleikar
• Svært aktive idrottsmiljø med tilbod for både breidde og elite - innan skidisiplinar har Stordal i dag løparar som hevdar seg i toppen både nasjonalt og internasjonalt
• Overøye/Langsæterområdet som regionalt friluftslivsområde
• Full barnehagedekning, SFO-tilbod, ein god skule og ei svært godt utbygt helse- og omsorgsteneste

For meir informasjon om kommunen:  www.stordal.kommune.no