Aud Hove (Sp), 2. nestleiar i KS og gruppeleiar for Sp i Innlandet.
Foto: Britt Glosvik– Eg fekk karakteristikken stri og aggressiv. Og eg berre: Hææ?
Ho var innstilt som leiar i KS, men blei 2. nestleiar. – Om eg ikkje når fram, så er det tusen andre ting eg kan drive med. Alt er jo interessant, seier skodespelaren, musikaren, læraren, bonden, okseryttaren og politikaren Aud Hove.
Utanfor Stortinget har bønder frå heile landet samla seg. Traktorar står parkert langs Karl Johan. Det luktar svakt av møkk og høy i hovudstaden. Bøndene er i opprør.
Midt blant dei står ei lita grønkledd kvinne, Aud Hove, KS sin 2. nestleiar. Ho smiler og helsar i aust og vest, kjenner både store og små.