Bergen best på språk

– Klarspråk gir eit betre demokrati, skapar tillit og det sparer tid, sa byrådsleiar Roger Valhammar (Ap) i Bergen då kommunen i dag blei tildelt Klarspråkprisen 2020 for kommunar og fylkeskommunar. 

Det var Kommunal- og moderniseringsminister Nikolai Astrup som overrekte godord og ein blomsterkvast digitalt til byrådsleiaren.

Kvasten blei sendt over fjella frå Oslo på null komma niks. Byrådsleiaren takka innbyggjarane og dei over 9.000 kommunetilsette frå midt på Torgallmenningen.

Klart språk har vore prioritert satsingsområde i Bergen kommune sidan 2016. Mange tilsette har vore på kurs, informasjonsavdelinga har tatt initiativ til å språkvaske brevmalar og har utarbeidd verktøykasse for tilsette. Kommunen sine nettsider er blitt viktigaste kommunikasjonskanal.

– Aldri har klart språk vore viktigare enn under koronapandemien. Tilbakemeldingane vi får frå innbyggarane viser at dei i stor grad finn informasjonen dei treng på nettsidene våre, seier kommunikasjonsdirektør Eva Hille.

Tok budsjettekst fra tungt byråkratspråk til ukebladnivå

I fjor var det Hå kommune som stakk av med klarspråkprisen.

Klarspråkprisen går til statlege organ og kommunar eller fylkeskommunar som gjer ein ekstraordinær innsats for å bruke eit klart, godt og brukervenleg språk i sine tekstar til publikum. Prisen blei oppretta i 2009 og blir delt ut kvart år av Kommunal- og moderniseringsdepartementet.

Klarspråkprisen for staten gjekk til Arbeidsdirektoratet og prisen for Årets trekkhund gjekk til kommunikasjonsrådgiver Ingvill Eriksen i Direktoratet for e-helse.

Slik omtalar juryen prisvinnarane